தியானம்

தியானத் தொர்பு இருக்கிறதா?

அவசரமாக கிளம்புவதற்காக சட்டையை 'அயர்ன்' பண்ணிக் கொண்டு இருந்தேன். திடீரென, சூடு குறைந்து, சட்டையின் கசங்கல்கள் அப்படியே இருந்தது. ஏன் என்று பார்த்தால், நான் தெரியாமல் வயரை அசைததில், 'அயர்ன்' வயர் தொடர்பு போயிருந்தது. அதைச் சரி செய்து, என் வேலையை முடித்தேன்.

ஆண்டவர் என்னோடு பேசினார், "நீயும் என்னோடு உள்ள தொடர்பைத் தவற விட்டு விட்டால், அனலில்லாமல் இருப்பாய். வாழ்வின் கசங்கல்கள் அப்படியே இருக்கும். உன் உள்ளே உள்ள சுருக்கங்கள் வெளிஉலகுக்கும் தெரியவரும். செயலில், உறவுகளில், குளிர்ந்து இருப்பாய். உன்னால் பிறருக்கு ஆண்டவரின் அனலைக் கொடுக்க முடியாது.என்னோடு உள்ள உன் தொடர்பு நிலைத்ததாய் இருக்கட்டும்".

ஆண்டவரோடு நம் தொடர்பு எப்படி இருக்கிறது? இரவும் பகலும் நாம் அவரைத் தியானிக்கிறோமா? அவரில் நாம் கொள்ளும் தியானம் நம்மில் அனலைத் தந்து, நாம் பிறருக்கு அனலைக் கொடுக்கவும் உதவும்.

P . ஜெபராஜ், UESI ஊழியர், சென்னை.